ສົນທະນາທົ່ວໄປ

 

 

 

ຕາມສະຖິຕິການເກີດອຸປະຕິເຫດປະຈຳອາທິດ ລະຫວ່າງວັນທີ 4-10 ກຸມພາ 2013 ທົ່ວນະຄອນຫຼວງວຽງຈັນ ມີອຸປະຕິເຫດເກີດ

ຂຶ້ນທັງໝົດ 42 ກໍລະນີ ເສຍຊີວິດ 8 ຄົນ ລວມມູນຄ່າຄວາມເສຍຫາຍທັງໝົດ 798 ລ້ານກວ່າກີບ.

ຈາກອຸປະຕິເຫດໃນແຕ່ລະຄັ້ງ ເຮັດໃຫ້ມີຜູ້ບາດເຈັບເລັກນ້ອຍ 27 ຄົນ ສົມຄວນ 27 ຄົນ ສາຫັດ 5 ຄົນ ຜົນເສຍຫາຍທາງດ້ານ

ພາຫະນະເປ່ເພເລັກນ້ອຍ 45 ຄັນ ສົມຄວນ 35 ຄັນ ໃຊ້ການບໍ່ໄດ້ 1 ຄັນ ສ່ວນໃຫຍ່ແມ່ນເກີດຢູ່ໃນກຸ່ມອາຊີບກຳມະກອນ ຮອງ

ມາແມ່ນພະນັກງານ.

ເມືອງທີ່ເກີດອຸປະຕິເຫດໄດ້ແກ່ ຈັນທະບູລີ 11 ຄັ້ງ ສີໂຄດຕະບອງ 5 ຄັ້ງ ສີສັດຕະນາກ 4 ຄັ້ງ ໄຊເຊດຖາ 6 ຄັ້ງ ຫາດຊາຍ

ຟອງ 2 ຄັ້ງ ໄຊທານີ 8 ຄັ້ງ ນາຊາຍທອງ 4 ຄັ້ງ ປາກງື່ມ 1 ຄັ້ງ ສັງທອງ 1 ຄັ້ງ ປະເພດພາຫະນະທີ່ເກີດອຸປະຕິເຫດລົດຈັກ

43 ຄັນ ລົດເບົາ 28 ຄັນ ລົດບັນທຸກໜັກ 3 ຄັນ ສາຍທາງທີ່ເກີດອຸປະຕິເຫດຫຼາຍກວ່າໝູ່ແມ່ນຖະໜົນໄກສອນ ພົມວິຫານ ເວ

ລາທີ່ມັກເກີດເຫດແມ່ນເລີ່ມແຕ່ເວລາ 16:00 ໂມງຫາ 01:00 ໂມງ.

ສາຍເຫດຫຼັກຂອງການເກີດອຸປະຕິເຫດໃນແຕ່ລະຄັ້ງ ຍ້ອນຜູ້ທີ່ໃຊ້ລົດໃຊ້ຖະໜົນຍັງລະເມີດຕໍ່ກົດລະບຽບຈາລະຈອນ ໃຊ້ຄວາມໄວ

ເກີນກຳນົດບໍ່ໃຫ້ກຽດເຊິ່ງກັນ ແລະ ກັນ ມີຄວາມປະມາດເມົາແລ້ວຂັບ ບວກກັບສະພາບເສັ້ນທາງເປັນຂຸມເປັນບໍ່ ແລະ ບາງສາຍມີ

ການສ້ອມແປງຍິ່ງເຮັດໃຫ້ການສັນຈອນມີຄວາມສັບສົນ.