ສົນທະນາທົ່ວໄປ

Members Login
Username 
 
Password 
    Remember Me  
ສົນທະນາທົ່ວໄປ -> ສົນທະນາ (ພາສາລາວ) -> ລາວເລີ້ມນໍາເອົາ ລົດເບນຊ໌ ອອກຂາຍ ແກ່ເອກກະຊົນ
Post Info TOPIC: ລາວເລີ້ມນໍາເອົາ ລົດເບນຊ໌ ອອກຂາຍ ແກ່ເອກກະຊົນ
Anonymous

Date:
ລາວເລີ້ມນໍາເອົາ ລົດເບນຊ໌ ອອກຂາຍ ແກ່ເອກກະຊົນ
Permalink   

 

 
 
Print options
ພິມ:
 ຮວມຄວາມເຫັນທັງໝົດ
 Include images
ຂະໜາດຂອງອັກສອນ
printLogo.gif
18.02.2013

ລາວເລີ້ມນໍາເອົາ ລົດເບນຊ໌ ອອກຂາຍ ແກ່ເອກກະຊົນ

ໂດຍ

 

ທ່ານຈັນຖະໜອມ ພິດທະສອນ ຫົວໜ້າກົມຊັບສິນຂອງລັດ
ສັງກັດກະຊວງການເງິນ ໄດ້ລົງນາມໃນແຈ້ງການຂອງທາງ
ການລາວ ກ່ຽວກັບການປະກາດຂາຍລົດຍົນ ຈໍານວນ 167
ຄັນ ທີ່ນໍາໃຊ້ໃນກອງປະຊຸມສຸດຍອດຜູ້ນໍາລະຫວ່າງເອເຊຍ
ກັບຢູໂຣບ ຫຼື ASEM  ຄັ້ງທີ 9 ຢ່າງເປັນທາງການເມື່ອສັບປະ
ດາທີ່ຜ່ານມານີ້.
 
ລົດຍົນທີ່ທາງການລາວໄດ້ນໍາອອກຂາຍໃຫ້ກັບພາກເອກກະ
ຊົນໃນຄັ້ງນີ້ ກໍປະກອບ ດ້ວຍລົດຍົນ Mercedes Benz ລຸ້ນ
C-Class 350 ຈໍານວນ 40 ຄັນ ກັບລຸ້ນ E-Class 350
ຈໍານວນ 65 ຄັນ ທີ່ທາງການລາວສັ່ງຊື້ມາຮັບຮອງບັນດາຜູ້
ນໍາທີ່ເຂົ້າຮ່ວມໃນກອງປະຊຸມ ASEM ຄັ້ງທີ 9 ທີ່ລັດຖະບານ
ລາວເປັນເຈົ້າ ພາບເມື່ອເດືອນພະ ຈິກ ປີຜ່ານມາ ເປັນການສະເພາະ. ສ່ວນອີກ 62 ຄັນ
ທີ່ເຫຼືອນັ້ນ ກໍເປັນລົດຍົນ Toyota ລຸ້ນ Camry 2.5 ລິດ ທີ່ສັ່ງຊື້ມາຮັບໃຊ້ກອງປະຊຸມ
ASEM ຄັ້ງທີ 9 ເຊັ່ນດຽວກັນ.
 
ພ້ອມກັນນີ້ ໃນແຈ້ງການດັ່ງກ່າວຍັງໄດ້ປະກາດຂາຍລົດຍົນ Mercedes Benz ລຸ້ນ S-Class 350 ປີ 2004 ຈໍານວນ 15 ຄັນອີກດ້ວຍ ໂດຍລາຄາຂາຍນັ້ນ ກໍຂຶ້ນຢູ່ກັບ ຊະນິດຂອງລົດຍົນ ແລະປີທີ່ຜະລິດເປັນສໍາຄັນ ຊຶ່ງກໍປາກົດວ່າ ທາງການລາວໄດ້ຕັ້ງ ລາຄາຂັ້ນຕໍ່າໄວ້ທີ່ 35,000 ໂດລາ ໄປຈົນເຖິງ 119,000 ໂດລາ ແລະກໍຖືເປັນລາຄາ ທີ່ບໍ່ອະນຸຍາດໃຫ້ມີການຕໍ່ຮອງໄດ້ ແຕ່ຢ່າງໃດອີກດ້ວຍ.
 
ທາງດ້ານທ່ານທອງລຸນ ສີສຸລິດ ຮອງນາຍົກລັດຖະມົນຕີ ແລະລັດຖະມົນຕີກະຊວງການ ຕ່າງປະເທດ ໄດ້ໃຫ້ການຢືນຢັນວ່າ ການປະກາດຂາຍລົດຍົນດັ່ງກ່າວນີ້ ນອກຈາກ ຈະ ເປັນການສະແດງເຖິງການທີ່ລັດຖະບານລາວບໍ່ມີນະໂຍບາຍ ທີ່ຈະນໍາເອົາລົດຍົນເຫຼົ່າ ນີ້ໄປເປັນລົດຍົນປະຈໍາຕໍາແໜ່ງຂອງການນໍາ ທັງໃນພັກ ແລະລັດຖະບານແລ້ວ ກໍຍັງຖື ເປັນມະຕິຕົກລົງຂອງຄະນະກໍາມະການກົມການເມືອງສູນກາງພັກ ທີ່ຕ້ອງການຈະນໍາ ເອົາເງິນທີ່ໄດ້ຈາກການຂາຍລົດຍົນທັງໝົດ ສົ່ງຄືນຄັງເງິນແຫ່ງຊາດອີກດ້ວຍ ດັ່ງທີ່ ທ່ານໄດ້ຊີ້ແຈງວ່າ:
 
“ດຽວນີ້ ກົມການເມືອງເຫັນດີວ່າ ລົດທີ່ຊື້ມາບໍ່ໄດ້ໄປຢາຍກັນຂີ່ເດີ້ ໃຫ້ເອົາ
ໄປຂາຍໝົດ ຂາຍເອົາເງິນເຂົ້າງົບປະມານ ໄດ້ກໍາໄລອີກ ຊື້ລົດເບັນຊ໌ມາ
ບໍ່ໄດ້ເສຍພາສີ ບັດນີ້ມາກໍໄປຂາຍເອົາພາສີເຂົ້າງົບປະມານໝົດ ສ່ວນວ່າ ລົດທີ່ພະນັກງງານເຮົາສິຂີ່ ຂັ້ນກົມການເມືອງ ຂັ້ນລັດຖະມົນຕີ ຂັ້ນຄະນະ
ເລຂາ ຂັ້ນສູນກາງຫັ້ນ ໃຫ້ຊື້ລົດໂຕໂຢຕ້າມາຂີ່ໝົດ.”
​​
ທັງນີ້ໂດຍອິງຕາມການລາຍງານຂອງກະຊວງການເງິນຂອງ
ລາວ ກໍເຮັດໃຫ້ຮູ້ວ່າ ການເປັນເຈົ້າພາບກອງປະຊຸມ ASEM
ຄັ້ງທີ 9 ຢູ່ນະຄອນຫຼວງວຽງຈັນ ໃນ ວັນທີ 5-6 ພະຈິກທີ່ຜ່ານ
ມານັ້ນ ລັດຖະບານລາວໄດ້ໃຊ້ຈ່າຍງົບປະມານໄປຫຼາຍ ກວ່າ
240 ຕື້ກີບ ຫຼືປະມານ 30 ລ້ານໂດລາ ໂດຍຫລາຍກວ່າ 40%
ຂອງງົບປະມານ ດັ່ງກ່າວໄດ້ໃຊ້ຈ່າຍໄປເພື່ອການສັ່ງຊື້ລົດຍົນ
Mercedes Benz ຈໍານວນ 105 ຄັນແລະລົດຍົນ Toyota
ອີກຈໍານວນ 147 ຄັນ ຊຶ່ງກໍໝາຍຄວາມວ່າ ຍັງມີລົດ Toyota
ຈໍານວນ 85 ຄັນ ທີ່ບໍ່ໄດ້ນໍາອອກມາຂາຍ ໃນຄັ້ງນີ້ດ້ວຍ.
 
ນອກຈາກນີ້ ການໃຊ້ຈ່າຍງົບປະມານໄປຫຼາຍກວ່າ 240 ຕື້ກີບດັ່ງກ່າວ ກໍບໍ່ໄດ້ລວມໄປ
ເຖິງການກໍ່ສ້າງສູນການປະຊຸມນາໆຊາດແຫ່ງໃໝ່ ການຂະຫຍາຍບ່ອນຈອດເຮືອບິນ
ຢູ່ສະໜາມບິນວັດໄຕ ການພັດທະນາປັບປຸງຖະໜົນ 21 ເສ້ນທາງໃນນະຄອນວຽງຈັນ
ການກໍ່ສ້າງເຮືອນຮັບຮອງຜູ້ນໍາ 52 ຫຼັງຢູ່ດອນຈັນ ການກໍ່ສ້າງໂຮງແຮມລະດັບ 5 ດາວ
ຢູ່ດອນຈັນ ແລະການກໍ່ສ້າງບ້ານພັກອີກ 70 ຫຼັງ ຢູ່ບ້ານພະຂາວ ແຕ່ຢ່າງໃດ.
http://lao.voanews.com/content/lao-govt-begins-to-sale-105-merdeces-benzes-of-asem-9-to-private-firms/1605838.html


__________________
Anonymous

Date:
RE: ລາວເລີ້ມນໍາເອົາ ລົດເບນຊ໌ ອອກຂາຍ ແກ່ເອກກະຊົນ
Permalink   

ນີ້ຄືຄວາມສະຫຼາດສ່ອງໃສຂອງຜູ່ນໍາລາວ, ຮູ້ວ່າປະຊາຊົນກຽມພ້ອມຈະເອົາເພິ່ນລົງຕັ່ງ

ກໍ່ຕ້ອງຫຼິ້ນຣະຄອນສາກໃໝ່ເພື່ອຕົບຕາປະຊາຊົນວ່າຕົນບໍ່ຫຼົງໄຫຼນໍາວັດຖຸເງິນຄໍາ ມີຄວາມ

ເປັນຫ່ວງຕໍ່ຊາດຕໍ່ປະຊາຊົນ, ປະຊາຊົນກິນຢູ່ແນວໃດຕົນກໍ່ກິນຢູ່ແນວນັ້ນ.

ຄວາມຈິງແລ້ວ ເພິ່ນມີຣົຖຫຼາຍຄັນແລ້ວ ຂາຍເອົາເງິນເຂົ້າໜ້າຄັງອອກຫຼັງຄັງດີກ່ວາ.



__________________
Anonymous

Date:
Permalink   

i dont understand why dont keep it for next time



__________________
Anonymous

Date:
Permalink   

Anonymous wrote:

i dont understand why dont keep it for next time

 yes how much money to use to maintain those expensive car



__________________
Anonymous

Date:
Permalink   

Anonymous wrote:
Anonymous wrote:

i dont understand why dont keep it for next time

 yes how much money to use to maintain those expensive car

 the govt is stupid, they dont have money,but they buy expensive car. and they want to sell for lao people who has income less 50$ per month?or those govt officials who corrupted want to buy it?



__________________
Page 1 of 1  sorted by
 
Quick Reply

Please log in to post quick replies.
ສົນທະນາທົ່ວໄປ -> ສົນທະນາ (ພາສາລາວ) -> ລາວເລີ້ມນໍາເອົາ ລົດເບນຊ໌ ອອກຂາຍ ແກ່ເອກກະຊົນ
Tweet this page Post to Digg Post to Del.icio.us


Create your own FREE Forum
Report Abuse 		Powered by ActiveBoard