ຢູ່ຢູ່ໂຫລບມີການເອົາຊີ້ນມ້າຫລອກວ່າຊີ້ນງົວແລ້ວສົ່ງອອກ
ຢູ່ລາວພັດແຮງຄັກເອົາຊີ້ນໝາຫລອກວ່າຊີ້ນງົວ
ອ່ານ
ຢູ່ແຂວງຊຽງຂວາງ, ເຈົ້າໜ້າທີ່ການຈັດຕັ້ງ ກວດເຫັນແມ່ຄ້າຈຳນວນໜຶ່ງເອົາຊີ້ນໝູມາຍ້ອມຂາຍເປັນຊີ້ນງົວ ຫຼອກລວງຕາປະຊາຊົນຜູ້ບໍລິໂພກ ເພື່ອສະແຫວງຫາຜົນກຳໄລ ຍ້ອນປະຈຸບັນລາຄາຊີ້ນງົວ-ຄວາຍສູງ, ເຊິ່ງຜູ້ຊື້ໄປບໍລິໂພກເຫັນເປັນຊີ້ນປອມ ຈຶ່ງໄດ້ແຈ້ງຕໍ່ເຈົ້າໜ້າທີ່ເຂົ້າຕິດຕາມ.ການປອມແປງນີ້ ກວດພົບເຫັນເມື່ອ 2 ເດືອນກ່ອນ ໂດຍແມ່ຄ້າສອງຄົນ ທີ່ຕະຫລາດກະສິກຳ ແຂວງຊຽງຂວາງ, ພວກກ່ຽວເອົາຊີ້ນໝູພັນມາປະສົມໃສ່ເລືອດງົວ ອ້າງວ່າເປັນຊີ້ນງົວເພື່ອຕົວະຂາຍໃຫ້ແກ່ຜູ້ບໍລິໂພກ. ນອກນັ້ນ, ເຈົ້າໜ້າທີ່ເຫັນວ່າ ການເຮັດທຸລະກິດຂາຍຊີ້ນມືສອງນີ້ ຍັງມີການລັກລອບນຳເອົາຊີ້ນງົວ-ຄວາຍຕາຍຍ້ອນພະຍາດເຂົ້າມາປອມແປງຂາຍນຳອີກ. ທາງກອງຄະດີໄດ້ເຮັດໝາຍເຊີນໃຫ້ພວກກ່ຽວໄປແກ້ໄຂ ແຕ່ພວກກ່ຽວບໍ່ຍອມເຂົ້າໄປແກ້ໄຂທັງບໍ່ປະຕິບັດຕາມໝາຍເຊີນ. ດັ່ງນັ້ນ, ທາງຫ້ອງການອຸດສາຫະກຳ ແລະ ການຄ້າ ເມືອງແປກ ໄດ້ສຳນວນການກະທຳຜິດຂອງພວກກ່ຽວສົ່ງຫ້ອງວ່າການເມືອງແປກເປັນຜູ້ສືບຕໍ່ແກ້ໄຂ ແຕ່ກໍຍັງບໍ່ທັນເຫັນມີການແກ້ໄຂເທື່ອ. ຂໍຮຽກຮ້ອງມາຍັງຜູ້ບໍລິໂພກ ແລະ ທົ່ວສັງຄົມຈົ່ງຊ່ອຍກັນຕິດຕາມການປະພຶດທີ່ບໍ່ດີຄືດັ່ງກ່າວ, ທັງເປັນການຮັກສາສຸຂະພາບຂອງຜູ້ບໍລິໂພກ ແລະ ການລະບາດຂອງພະຍາດທີ່ຈະເກີດຂຶ້ນກັບສັດລ້ຽງຂອງປະຊາຊົນຕື່ມອີກ.ຈາກ "ໜັງສືພິມ ເສດຖະກິດ-ສັງຄົມ"
ລາວຫາກໍ່ໄດ້ເຂົ້າເປັນສະມາຊິກ WTO ຊໍ້າພັດມີຂ່າວການປອມແປງສິນຄ້າ
ຫຼືເພິ່ນສ້າງຂ່າວນີ້ຂຶ້ນມາເພື່ອສະແດງຣະຄອນໃຫ້ຊາວໂລກເບິ່ງວ່າເພິ່ນສາ
ມາດປາບປາມພວກພໍ່ຄ້າແມ່ຄ້າທີ່ປອມແປງສິນຄ້າໄດ້ວ່ອງໄວທັນໃຈ?
