ຫ້າມເລີຍເປັນຫຍັງ ຄົນລາວບໍຕອ້ງການ
ຂ່າວ: ພະນອມໄພ
ຫມາກກະໂພກ, ດອກໄມ້ໄຟ ແລະ ອື່ນໆທີ່ມີລັກສະນະເປັນວັດຖຸລະເບີດ ແມ່ນຫນຶ່ງໃນສາເຫດທີ່ກໍ່ໃຫ້ເກີດຄວາມເສຍຫາຍແກ່ຊັບສິນ ແລະ ຊີວິດຂອງຄົນເຫມືອນດັ່ງເຫດການທີ່ເກີດຂຶ້ນໃນໄລຍະຜ່ານມາ ແນວໃດກໍ່ດີ ປະຈຸບັນພະແນກອຸດສາຫະກຳ ແລະ ການຄ້ານະຄອນຫລວງຈິງຈັງໄດ້ອອກແຈ້ງການຫ້າມບໍ່ໃຫ້ມີການຈຳຫນ່າຍ, ແຈກຢາຍ ແລະ ມີໄວ້ຄອບຄອງສິນຄ້າປະເພດດັ່ງກ່າວ ຫາກກວດພົບຜູ້ລະເມີດຈະຖືກປັບໃຫມຫລາຍເຖິງ 5 ລ້ານກີບຕໍ່ຄັ້ງ.
ຫົວຫນ້າພະແນກອຸດສາຫະກຳ ແລະ ການຄ້າ ນະຄອນຫລວງວຽງຈັນໄດ້ອອກແຈ້ງການເຖິງບຸກຄົນ, ນິຕິບຸກຄົນ ແລະ ຜູ້ປະກອບການທຸລະກິດການຄ້າທົ່ວນະຄອນຫລວງວຽງຈັນ ເລື່ອງການຈຳຫນ່າຍແຈກຢາຍມີໄວ້ຄອບຄອງຫມາກກະໂພກ, ດອກໄມ້ໄຟ ແລະ ອື່ນໆ ທີ່ມີລັກສະນະເປັນວັດຖຸລະເບີດ ໂດຍຫ້າມບໍ່ໃຫ້ບຸກຄົນນິຕິບຸກຄົນທີ່ບໍ່ໄດ້ຮັບອະນຸຍາດຈາກຂະແຫນງການທີ່ກ່ຽວ ຂ້ອງເປັນຕົ້ນຂະແຫນງປ້ອງກັນຊາດ-ປ້ອງກັນຄວາມສະຫງົບນຳເຂົ້າຫມາກກະໂພກດອກໄມ້ໄຟ ແລະ ອື່ນໆທີ່ມີລັກສະນະເປັນວັດຖຸລະເບີດ.
ພ້ອມດຽວກັນນັ້ນ ຍັງຫ້າມບໍ່ໃຫ້ຜູ້ປະກອບການທຸລະກິດການຄ້າຊາວຄ້າຂາຍບຸກຄົນ ຫລື ນິຕິບຸກຄົນຈຳຫນ່າຍແຈກຢາຍມີໄວ້ໃນການຄອບຄອງຫມາກກະໂພກດອກໄມ້ໄຟ ແລະ ອື່ນໆທີ່ມີລັກສະນະເປັນທາດລະເບີດຕາມຕະຫລາດຮ້ານຄ້າເຮືອນ ແລະ ບ້ານ ຖ້າເຈົ້າຫນ້າທີ່ກວດພົບເຫັນຜູ້ລະເມີດແມ່ນໃຫ້ຢຶດເອົາສິນຄ້າດັ່ງກ່າວປັບໃຫມ ແຕ່ 1 ລ້ານກີບຫາ 5 ລ້ານກີບຕໍ່ຄັ້ງ ແຕ່ຖ້າ ຫາກມີການລະເມີດເປັນຄັ້ງທີ 2 ໃຫ້ຢຶດສິນຄ້າປັບໃຫມ ພ້ອມແຈ້ງຄວາມຕໍ່ເຈົ້າຫນ້າທີ່ຕຳຫລວດ ເພື່ອດຳເນີນຄະດີຕາມລະບຽບການ.
ໂດຍຫົວຫນ້າພະແນກອຸດສາຫະກຳ ແລະ ຄ້ານະຄອນຫລວງໄດ້ມອບໃຫ້ຫ້ອງການອຸດສາຫະກຳ ແລະ ການຄ້າ ເມືອງລາຍງານຕໍ່ທ່ານເຈົ້າເມືອງ ເພື່ອຂໍທິດຊີ້ນຳໃນການຈັດຕັ້ງປະຕິບັດໃຫ້ອຳນາດການປົກຄອງທຸກພາກສ່ວນນາຍບ້ານ ປກສ-ປກຊ ບ້ານ ແລະ ແນະ ນຳປະຊາຊົນໃຫ້ເຂົ້າໃຈ ແລະ ເຂົ້າຮ່ວມເປັນເຈົ້າການໃນການຈັດຕັ້ງປະຕິບັດ.
ຢ່າໄປເຮັດສຽງຕຸ້ມໆຕ້າມໆເດີພີ່ນ້ອງ ພວກ ປກສ ເພີ່ນລະວັງຍາກ ເພາະວ່າເພີ່ນຮັກສາຄວາມປອດໄພທຸກດ້ານ
ເພີ່ນບໍ່ຢາກໄຫ້ມີສຽງຕຸ້ມໆຕ້າມໆ ດຽວພວກກຸ້ມຄົນບໍ່ດີຈະສວຍໂອກາດສ້າງຄວາມວຸ້ນວາຍຫຼືມາອາລະວາດ
ລະບອບໃໝ່ຂອງພວກເພີ່ນເດີ
ຖ້າໃຜຢາກເຮັດທຸລະກິດດ້ານນີ້ ຕອ້ງເຂົ້າໄປເວົ້ານຳ ທອງສິງ ທຳມະວົງ
ແລ້ວເປີດກິດຈະການໄດ້ສະບາຍ
