ສົນທະນາທົ່ວໄປ

ສະເພາະເຂື່ອນນີ້ລາວຄົງບໍຕອ້ງການເງີນຊ່ວຍເຫລືອແລ້ວຂອ້ຍວ່າ

ແຕ່ຄວາມຈິງແລ້ວຂອ້ຍວ່າຜົນກຳໄລທີ່ແທ້ຈິງຄົງຊິບໍຮອດແລະເງີນກໍຄົງກະແຈກກະຈາຍ ເອົາໄປເອົາມາຖ້າບໍລິຫານບໍດີກໍໍຄົງເຫລືອບໍພໍເທົ່າໃດ?

ຖ້າທຽບໃສ່ກັບປ່າໄມ້ທີ່ສູນເສຍແລະສັບພະຍາກອນອື່ນໆ  ຂອ້ຍວ່າແປດສິບລ້ານໂດລາຕໍ່ປີແມ່ນບໍພຽງພໍ

ທ່ານ ໄຊ​ປະເສີດ ພົມ​ສຸພາ ຫົວໜ້າ​ກົມ​ທຸລະ​ກິດ​ພະລັງງານ ໄດ້​ລາຍ​ງານ​ໃຫ້​ຮູ້​ກ່ຽວ​ກັບ​ການ​ພັດທະນາ​ໂຄງການ​ນ້ຳ​ເທີນ 2 ໃນ​ພິທີ​ປະດັບ​ຫຼຽນ ແລະ ມອບ​ໃບ​ຍ້ອງຍໍ​ລັດຖະບານ ໃຫ້​ຜູ້​ທີ່​ມີ​ຜົນງານ​ດີເດັ່ນ​ປະກອບສ່ວນ​ເຫື່ອແຮງ ແລະ ສະຕິ​ປັນ​ຢາ​ເຂົ້າ​ໃນ​ການ​ກໍ່ສ້າງ​ໂຄງການ​ເຂື່ອນ​ໄຟຟ້າ​ນ້ຳຕົກ​ນ້ຳ​ເທີນ 2 ໃນ​ວັນ​ທີ 28 ມີນາ ຜ່ານ​ມາ​ທີ່​ກະຊວງ​ພະລັງງານ ແລະ ບໍ່​ແຮ່ ໂຄງການ​ດັ່ງກ່າວ​ເປັນ​ໂຄງການ​ໜຶ່ງ​ທີ່​ສ້າງ​ຜົນ​ປະໂຫຍດ​ທາງ​ກົງ ແລະ ທາງ​ອ້ອມ​ໃຫ້​ແກ່​ປະຊາຊົນ ກໍ​ຄື​ລັດຖະບານ​ຫຼາຍ​ສົມຄວນ​ເຊັ່ນ: ຜົນ​ປະໂຫຍດ​ທາງ​ກົງ​ຕໍ່​ລັດຖະບານ ຕໍ່​ການ​ເກັບ​ຄ່າ​ພາກ​ຫຼວງ ອາກອນ​ກຳໄລ ແລະ ເງິນ​ປັນ​ຜົນ ຕະຫຼອດ​ໄລຍະ​ສຳ​ປະທານ 25 ປີ ເຖິງ 2.000 ລ້ານ​ໂດ​ລາ​ສະຫະລັດ ຫຼື ສະເລ່ຍ 80 ລ້ານ​ສະຫະລັດ​ຕໍ່​ປີ.

ທ່ານ​ຫົວໜ້າ​ກົມ​ທຸລະ​ກິດ​ພະລັງງານ​ຍັງ​ໃຫ້​ຮູ້​ວ່າ: ໂຄງການ​ເຂື່ອນ​ໄຟຟ້າ​ນ້ຳຕົກ​ນ້ຳ​ເທີນ 2 ຕັ້ງ​ຢູ່​ເທິງ​ພູ​ພຽງ​ນາ​ກາຍ ແຂວງ​ຄຳ​ມ່ວນ ແລະ ແຂວງ​ບໍ​ລິ​ຄຳ​ໄຊ ເຂື່ອນ​ມີ​ຄວາມ​ສູງ 39 ແມັດ ມີ​ອ່າງເກັບນ້ຳ 450 ກິ​ໂລ​ຕາ​ແມັດ ສາມາດ​ເກັບ​ນ້ຳ​ໄດ້ 3.500 ລ້ານ​ແມັດ​ກ້ອນ ສາຍ​ສົ່ງ​ແຮງ​ສູງ 500 ກິ​ໂລ​ໂວນ ເພື່ອ​ສົ່ງ​ຂາຍ​ໄປ​ຍັງ​ປະເທດ​ໄທ ມີ​ຄວາມ​ຍາວ 138 ກິໂລແມັດ ແລະ ສາຍ​ສົ່ງ 115 ກິ​ໂລ​ໂວນ ເພື່ອ​ສະໜອງ​ໄຟຟ້າ​ຊົມໃຊ້​ພາຍ​ໃນ​ປະເທດ ມີ​ຄວາມ​ຍາວ 30 ກິໂລແມັດ ໂຄງການ​ນ້ຳ​ເທີນ 2 ມີ​ກຳລັງ​ຕິດ​ຕັ້ງ 1.074 ເມ​ກາ​ວັດ ແລະ ສາມາດ​ຜະລິດ​ພະລັງງານ​ໄຟຟ້າ 6.000 ກິ​ກາ​ວັດ​ໂມງ/ປີ ມີ​ລາຍ​ຮັບ​ຈາກ​ການ​ຂາຍ​ໄຟຟ້າ​ປະມານ 280 ລ້ານ​ໂດ​ລາ​ສະຫະລັດ/ປີ ໂຄງການ​ດັ່ງກ່າວ ນອກຈາກ​ໄດ້​ສ້າງ​ຜົນ​ປະໂຫຍດ​ທາງ​ກົງ​ໃຫ້​ແກ່​ລັດຖະບານ​ແລ້ວ ຍັງ​ໄດ້​ສ້າງ​ຜົນ​ປະໂຫຍດ​ທາງ​ອ້ອມ​ໃຫ້​ແກ່​ປະຊາຊົນ​ທ້ອງຖິ່ນ ເປັນຕົ້ນ​ແມ່ນ​ສ້າງ​ວຽກ​ເຮັດ​ງານ​ທຳ ສ້າງ​ທາງ​ໃໝ່ ສະໜອງ​ທຶນ​ເພື່ອ​ພັດທະນາ​ຊີວິດ​ການ​ເປັນ​ຢູ່​ຂອງ​ປະຊາຊົນ 223 ບ້ານ​ຢູ່​ເຂດ​ໃຕ້​ເຂື່ອນ ສ້າງ​ປະຕູ​ນ້ຳ​ຈາກ​ອ່າງ​ດັດສົມ ແລະ ຄອງເໝືອງ ເພື່ອ​ສະໜອງ​ນ້ຳ​ໃຫ້​ແກ່​ລະບົບ​ຊົນລະປະທານ​ເຂດ​ຍົມ​ມະ​ລາດ ເຂດ​ເຊ​ບັ້ງໄຟ ແລະ ອື່ນໆ.

ໂຄງການ​ເຂື່ອນ​ໄຟຟ້າ​ນ້ຳຕົກ​ນ້ຳ​ເທີນ 2 ໄດ້​ລົງມື​ກໍ່ສ້າງ​ໃນ​ປີ 2005 ແລະ ໄດ້​ເລີ່ມ​ຂາຍ​ໄຟຟ້າ​ຢ່າງ​ເປັນ​ທາງ​ການ ໃນ​ວັນ​ທີ 30 ເມສາ 2010 ລວມ​ມູນ​ຄ່າ​ການ​ກໍ່ສ້າງ​ໂຄງການ 1.250 ລ້ານ​ໂດ​ລາ​ສະຫະລັດ.