ຕາມການໃຫ້ຂໍ້ມູນຂອງພະແນກຈະລາຈອນ ປກສ ແຂວງຫຼວງນ້ຳທາໄດ້ໃຫ້ຮູ້ວ່າ: ນັບແຕ່ວັນທີ 116 ມິຖຸນາ 2013 ຢູ່ແຂວງຫຼວງນ້ຳທາມີອຸບັດເຫດເກີດຂຶ້ນທັງໝົດ 11 ລາຍເສຍຊີວິດ 7 ຄົນ ໃນນັ້ນມີລົດບັນທຸກຕຳກັບລົດຈັກ 1 ລາຍ, ລົດຈັກ ຕຳກັບລົດກະບະ 4 ລາຍ, ລົດຈັກຕຳກັບລົດຈັກ 4 ລາຍ ແລະ ລົດຈັກຕຳກັບລົດໄຖນາ 2 ລາຍ, ໃນນັ້ນ ມີພາຫະນະເປ່ເພເລັກໜ້ອຍ 2 ຄົນ, ລວມມູນຄ່າເສຍຫາຍ 100 ລ້ານກວ່າກີບ, ສາເຫດຂອງການເກີດອຸບັດເຫດແມ່ນຍ້ອນຜູ້ຂັບຂີ່ບໍ່ປະຕິບັດກົດລະບຽບຈະລາຈອນ, ເມົາແລ້ວຂັບຂີ່, ແຊງບໍ່ຮັບປະກັນ, ແລ່ນລົດໄວເກີນກຳນົດ ແລະ ອື່ນໆທີ່ເປັນການລະເມີດກົດຈະລາຈອນຕາມທ້ອງຖະໜົນ.
ຂ່າວຍັງໃຫ້ຮູ້ຕື່ມອີກວ່າ: ໃນວັນທີ 14 ມິຖຸນາ 2013 ໄດ້ມີອຸບັດເຫດເກີດ ຂຶ້ນ, ລົດຈັກຕຳກັບລົດຈັກຢູ່ເສັ້ນທາງ R3 ເຂດບ້ານໜອງຄຳ ຫາ ບ້ານນ້ຳໂອເມືອງວຽງພູຄາ ແຂວງຫຼວງນ້ຳທາ ເຮັດໃຫ້ຜູ້ເສຍຊີວິດ 4 ຄົນ, ຍິງ 1 ຄົນຄື: ທ້າວ ກ່ຳແກ້ວ ອາຍຸ 17 ປີ, ເປັນນັກຮຽນທີຂີ່ລົດຊ້ອນທ້າຍມາກັບ ນາງ ຂັນແກ້ວ ອາຍຸ 52 ປີ, ເປັນປະຊາຊົນ ທັງສອງແມ່ນຢູ່ບ້ານນ້ຳໂອ ເມືອງວຽງພູຄາ ແຂວງຫຼວງນ້ຳທາ ແລະ ທ້າວ ສົມຊາຍອາຍຸ 19 ປີ ເປັນນັກສຶກສາວິທະຍາໄລຄູຫຼວງນ້ຳທາ ທີ່ຂີ່ຊ້ອນທ້າຍມາກັບທ້າວສາຍທອງ ອາຍຸ 19 ປີ ເປັນນັກຮຽນຂັບລົດໂຮງຮຽນວຽງຈະເລີນທັງສອງແມ່ນຢູ່ບ້ານດົງວຽງ ເມືອງວຽງພູຄາ ແຂວງຫຼວງນ້ຳທາຕາມການສັນນິຖານໃນເບື້ອງຕົ້ນຂອງເຈົ້າໜ້າທີ່ຈະລາຈອນ ປກສ ເມືອງວຽງພູຄາ ແຂວງ ຫຼວງນ້ຳທາສາເຫດຂອງການເກີດອຸບັັດເຫດໃນຄັ້ງນີ້ ແມ່ນອາດເກີດມາຈາກນັກຂັບຂີ່ແລ່ນລົດໄວເກີດກຳນົດ.
