ສົນທະນາທົ່ວໄປ

ຄົນສ່ວນຫຼາຍໂຕນໜີໄປຕາຍໜ້າກໍ່ຍ້ອນບໍ່ຢາກຢູ່ໃຕ້ອໍານາດຂອງຣັຖບານເຖື່ອນທີ່ນໍາເອົາຣະບອບສັງຄົມນິຍົມ
ຊຶ່ງເປັນຣະບອບທີ່ຊາວໂລກຖືວ່າເປັນຣະບອບທີ່ຫຼ້າຫຼັງແລະຖ່ວງດຶງຄວາມຈະເຣີນ.
ຂ້ອຍເວົ້າວ່າ ຣັຖບານ ສປປ ລາວເປັນຣັຖບານເຖື່ອນກໍ່ຍ້ອນວ່າເຂົາບໍ່ໄດ້ຖືກເລືອກຕັ້ງຈາກປະຊາຊົນແລະບໍ່ໄດ້
ເຮັດວຽກເພື່ອປະຊາຊົນ. ຣັຖບານນີ້ສ້າງຂຶ້ນດ້ວຍການຫັກຫຼັງສັນຍາສັນຕິພາບ 1973, ຫຼັງຈາກເຂົາໄດ້ກໍາ
ອໍານາດສົມບູນແລ້ວ ເຂົາກໍ່ຈັບເອົາຂ້າຣາຊການ ທະຫານ ຕໍາຣວດ ປະຊາຊົນ ໄປເຂັ່ນຂ້າທໍຣະມານຢູ່ສູນສັບ
ພະທຸກທີ່ຕັ້ງຢູ່ໃນເຂດສອກຫຼີກຫ່າງໄກ.
ຂ້ອຍບໍ່ເຄີຍຄິດວ່າຈະໂຕນໜີຈາກປຸຕຸພູມທີ່ແສນຮັກຂອງຕົນມາອາໃສດິນດອນຕ່ອນຫຍັາຂອງຊາດອື່ນເປັນບ່ອນ
ທໍາມາຫາກິນດອກ ແຕ່ຂ້ອຍທົນບໍ່ໄດ້ກັບຄວາມໂຫດຮ້າຍປ່າເຖື່ອນຂອງພວກບັກໂກກນາໂຖຈຶ່ງຕ້ອງຈໍາໃຈຍ່າງ
ຂ້າມພູທີ່ສູງຊັນໄປເຂົ້າສູນປະເທດໄທ. ຕອນພວກມັນຍຶດອໍານາດໄດ້ໃໝ່ໆ ພວກມັນປົກຄອງບ້ານເມືອງດ້ວຍ
ປາຍປືນ ມັນສົງໃສຜູ່ໃດບໍ່ເປັນໃຈມັນ ມັນກໍ່ຈັບໄປງົມຫອຍຢູ່ໜອງດິນດໍາ, ຊັບສິນເງິນຄໍາທີ່ພໍ່ແມ່ຂ້ອຍຫາມາ
ໄດ້ຍ້ອນນໍ້າເຫື່ອນໍ້າແຮງ ມັນກໍ່ຍຶດເອົາຫາວ່າຊັບສິນນັ້ນໄດ້ມາຈາກການຂູດຮີດປະຊາຊົນທັງໆທີ່ພໍ່ແມ່ຂ້ອຍເພິ່ນ
ກໍ່ຄ້າຂາຍຖືກຕ້ອງຕາມກົດໝາຍ ບໍ່ໄດ້ຫຼັກບໍ່ໄດ້ໂກງໃຜ. ໄຮ່ນາຕາກ້າງົວຄວາຍຂອງພໍ່ເຖົ້າຂ້ອຍມັນກໍ່ເອົາໄປເຂົ້າ
ສະຫະກອນລວມໝູ່, ຜູ່ເຮັດນ້ອຍກໍ່ໄດ້ກິນ ຜູ່ບໍ່ເຮັດກໍ່ໄດ້ກິນເທົ່າກັນກັບຜູ່ເຮັດຫຼາຍ. ບໍ່ພຽງແຕ່ເທົ່ານັ້ນເດີ
ກາງຄືນມາມັນຍັງຢາກເອົາເມັຽຂ້ອຍໄປລວມໝູ່ອີກ ພວກຊາດຊົ່ວ.