ສົນທະນາທົ່ວໄປ

Members Login

Post Info

TOPIC: ກວດພົບແຮງງານຕ່າງປະເທດ ບໍ່ມີບັດອະນຸຍາດອອກແຮງງານ 3 ພັນກວ່າຄົນ

Anonymous

Date: Jan 30, 2013

ກວດພົບແຮງງານຕ່າງປະເທດ ບໍ່ມີບັດອະນຸຍາດອອກແຮງງານ 3 ພັນກວ່າຄົນ	Permalink

ວັນທີ 22 ມັງກອນ 2013 ທີ່ຫ້ອງວ່າການນະຄອນຫຼວງວຽງຈັນ ໄດ້ມີກອງປະຊຸມສະຫຼຸບວຽກງານການແກ້ໄຂບັນຫາຊາວຕ່າງປະ ເທດ ທີ່ທຳມາຫາກິນຄ້າຂາຍ ແລະ ອອກແຮງງານຜິດລະບຽບກົດໝາຍຂອງ ສປປ ລາວ ຢູ່ນະຄອນຫຼວງວຽງຈັນ ປະຈຳປີ 201 ແລະ ທິດທາງແຜນການປີ 2013 ໂດຍເປັນປະທານຂອງທ່ານ ສາຍທອງ ແກ້ວດວງດີ ຮອງເຈົ້າຄອງນະຄອນຫຼວງວຽງຈັນ ຜູ້ຊີ້ນຳ ວຽກງານຂົງເຂດວັດທະນະທຳ-ສັງຄົມ ມີບັນດາທ່ານຮອງຫົວໜ້າພະແນກການ ຮອງເຈົ້າເມືອງ ແລະ ຫົວໜ້າຫ້ອງການແຮງງານ ແລະ ສະຫວັດດີການເມືອງເຂົ້າຮ່ວມ. ໃນໄລຍະຜ່ານມາພະແນກ ຮສສ ນວ ໄດ້ສົມທົບກະຊວງ ຮສສ ແລະ ບັນດາການນຳເມືອງ ຫ້ອງການ ຮສສ ໃນ 9 ເມືອງ ໄດ້ປະຕິ ບັດຕາມແຈ້ງການຂອງທ່ານເຈົ້າຄອງນະຄອນຫຼວງ ທີ່ໄດ້ຂຶ້ນທະບຽນແຮງງານຕ່າງປະເທດ ສຳເລັດໃນເດືອນເມສາ 2012 ເຊິ່ງມີ ຊາວຕ່າງປະເທດທັງໝົດ 4.695 ຄົນ ໃນນັ້ນ ຈີນ 1.164 ຄົນ ສັນຊາດຫວຽດນາມ 2.498 ຄົນ ໄທ 428 ຄົນ ແລະ ສັນຊາດອື່ນໆ 605 ຄົນ ຈຳນວນຊາວຕ່າງປະເທດທີ່ທຳມາຫາກິນຄ້າຂາຍດັ່ງກ່າວ ສາມາດແຍກເປັນແຕ່ລະອາຊີບດັ່ງນີ້: ອາຊີບປູກຝັງ 23 ຄົນ ອາຊີບ ລ້ຽງສັດ 137 ຄົນ ອາຊີບເຮັດວຽກຢູ່ບໍ່ແຮ່ 86 ຄົນ ອາຊີບກໍ່ສ້າງ 1.230 ຄົນ ອາຊີບຄ້າຂາຍ 1.604 ຄົນ ອາຊີບບໍລິ ການຕ່າງໆ 412 ຄົນ ອາຊີບເຟີນີເຈີ 122 ຄົນ ແລະ ອາຊີບອື່ນໆ 1.081 ຄົນ. ຜ່ານການລົງຈັດຕັ້ງປະຕິບັດຕົວຈິງ ໃນການແກ້ໄຂແຮງງານຕ່າງປະເທດຢູ່ 9 ຕົວເມືອງເຫັນວ່າ ຈາກການເກັບກຳສະຖິຕິແຮງງານ ຕ່າງປະເທດໃນເບື້ອງຕົ້ນ ໃນເດືອນເມສາ 2012 ມີແຮງງານຕ່າງປະເທດທັງໝົດ 4.695 ຄົນ ປັດຈຸບັນມີ 6.444 ຄົນ ເຫັນວ່າເພີ່ມ ຂຶ້ນ 1.749 ຄົນ ໃນນັ້ນມີບັດອະນຸຍາດອອກແຮງງານແລ້ວ 1.624 ຄົນ ບໍ່ມີບັດອະນຸຍາດອອກແຮງງານ 3.495 ຄົນ ອອກບັດອະນຸ ຍາດອອກແຮງງານຊົ່ວຄາວ 2 ເດືອນ ໄດ້ 462 ຄົນ ມາກ່ອນມະຕິ 03/ນຍ ມີ 1.215 ຄົນ ມາຫຼັງມະຕິ 03/ນຍ ມີ 700 ຄົນ ທຽບເປັນ ເປີເຊັນແມ່ນມີຈຳນວນຊາວຕ່າງປະເທດເພີ່ມຂຶ້ນ 137% ປັດຈຸບັນສຳເລັດການອອກບັດອະນຸຍາດອອກແຮງງານຊົ່ວຄາວ 2 ເດືອນ ໃຫ້ແຮງງານຕ່າງປະເທດມີຢູ່ 2 ເມືອງຄື: ເມືອງສັງທອງ ແລະ ເມືອງປາກງື່ມ ສ່ວນອີກ 7 ເມືອງຍັງບໍ່ທັນສຳເລັດ ແລະ ຜ່ານການຈັດ ຕັ້ງປະຕິບັດຜ່ານມາ ກໍມີທັງຂໍ້ສະດວກ ແລະ ຂໍ້ຫຍຸ້ງຍາກບາງດ້ານ ເປັນຕົ້ນ ຄວາມຫຍຸ້ງຍາກດ້ານພາສາ. ສຳລັບທິດທາງຕໍ່ໜ້າ ສືບຕໍ່ປະສານສົມທົບຄະນະກຳມະການຂັ້ນເມືອງ ລົງກວດກາແຮງງານຕ່າງປະເທດ ທີ່ໄດ້ອອກບັດອະນຸຍາດ ອອກແຮງງານກຳນົດ 2 ເດືອນໄປແລ້ວ ຖ້າຜູ້ກ່ຽວບໍ່ປະກອບເອກະສານຕາມລະບຽບການແລ້ວ ຕ້ອງໃຊ້ມາດຕະການສຶກສາອົບ ຮົມແລ້ວສົ່ງກັບຄືນປະເທດ. __________________

Anonymous

Date: Feb 3, 2013

RE: ກວດພົບແຮງງານຕ່າງປະເທດ ບໍ່ມີບັດອະນຸຍາດອອກແຮງງານ 3 ພັນກວ່າຄົນ	Permalink

ໃນຂອບເຂດທົ່ວປະເທດມີຈັກແສນ ຈັກລ້ານ? ເຂົາວ່າວຽດນາມຈະເອົາຄົນວຽດເຂົ້າມາເຮັດວຽກໃນລາວ ໂຄງການນຶ່ງ 20000 ຄົນ, 284 ໂຄງການຈະມີຈັກຄົນ? ໂຄງການແລ້ວ ເຂົາບໍ່ກັບຈະເຮັດຫຍັງເຂົາ ໄດ້ເພາະກົດໝາຍລາວເອື້ອອໍານວຍໃຫ້ຄົນວຽດກາຍເປັນພົນລະເມືອງລາວໄດ້ສະບາຍຢູ່ແລ້ວ ແຕ່ເຂົາ ບໍ່ຢາກເສັຽພາສີ ເຂົາກໍ່ສືບຕໍ່ເປັນໂຣບິນຮູດ, ແມ່ນບໍ່ລະ cheerball? __________________

Page 1 of 1 sorted by

Tweet this page

Post to Digg

Post to Del.icio.us

Create your own FREE Forum
Report Abuse