ສົນທະນາທົ່ວໄປ

http://kpl.net.la/lao/news/dnl%203.htm

ຂປລ): ສູນກາງສະຫະພັນແມ່ຍິງລາວ ແລະ ສະມາຄົມມິດຕະພາບ ລາວ-ສປປ ເກົາຫລີ ຮ່ວມກັບ ສະຖານເອກອັກຄະລັດຖະທູດແຫ່ງ ສປປ ເກົາຫລີ ປະຈຳລາວ ຈັດປາຖະ ກະຖາ ເນື່ອງໃນໂອກາດວັນຄ້າຍວັນເກີດ ສະຫາຍ ກິມ ເຈິງ ອິນ, ອະດີດເລຂາທິການໃຫຍ່ພັກແຮງງານເກົາຫລີ, ອະດີດປະທານຄະນະກຳມະການ ປ້ອງກັນຊາດ ສປປ ເກົາຫລີ ຄົບຮອບ 71 ປີ (16/02/1942-16/02/2013) ໃນວັນທີ 7 ກຸມພາ 2013 ທີ່ສູນຝຶກອົບຮົມແມ່ຍິງລາວ.

ສະຫາຍ ຫັນ ບົງ ຫໍ, ເອກອັກຄະລັດຖະທູດ ວິສາມັນຜູ້ມີອຳນາດເຕັມ ແຫ່ງ ສປປ ເກົາຫລີ ປະຈຳລາວ ໄດ້ຂຶ້ນກ່າວປາຖະກະຖາ ໂດຍໄດ້ຍົກໃຫ້ເຫັນເຖິງຜົນງານການເຄື່ອນ ໄຫວ, ຄຸນງາມຄວາມດີຂອງ ສະຫາຍ ກິມເຈິງ ອິນ, ຜູ້ນຳທີ່ແສນເຄົາລົບຮັກຂອງ ສປປ ເກົາຫລີ ອ້າຍນ້ອງໃນຕະຫລອດໄລຍະທີ່ຜ່ານມາ ອັນໄດ້ເປັນການປະກອບສ່ວນເຮັດໃຫ້ຊີ ວິດການເປັນຢູ່ຂອງປະຊາຊົນເກົາຫລີ ອ້າຍນ້ອງນັບມື້ດີຂຶ້ນ, ເຮັດໃຫ້ປະເທດຊາດ ມີການພັດທະນາ ແລະ ສີວິໄລເປັນກ້າວໆມາ. ພ້ອມກັນນັ້ນ ທ່ານທູດ ຍັງໄດ້ຍົກໃຫ້ເຫັນເຖິງ ສາຍພົວພັນມິດຕະພາບ, ຄວາມສາມັກຄີ ແລະ ການສະໜັບສະໜູນຊ່ວຍເຫລືອເຊິ່ງກັນ ແລະ ກັນ ໂດຍດີຕະຫລອດມາ ລະຫວ່າງ ສອງພັກ ສອງລັດ ແລະ ປະຊາຊົນ ສອງ ຊາດ ລາວ-ສປປ ເກົາຫລີ ໃນໄລຍະທີ່ຜ່ານມາ.

ເຂົ້າຮ່ວມໃນພິທີປາຖະກະຖາຄັ້ງນີ້ມີ ສະຫາຍ ຄຳພັນ ສິດທິດຳພາ, ປະທານສານປະຊາຊົນສູງສຸດ, ຮອງປະທານສະມາ ຄົມມິດຕະພາບ ລາວ-ສປປ ເກົາຫລີ, ສະຫາຍນາງ ຈັນ ທຶມ ລັດສະໝີ, ຮອງປະທານສູນ ກາງສະຫະພັນແມ່ຍິງລາວ, ຄະນະກຳມະການສະມາຄົມມິດຕະພາບ ລາວ-ສປປ ເກົາຫລີ, ພະນັກງານຈາກ ສະຖານເອກອັກຄະລັດຖະທູດ ແຫ່ງ ສປປ ເກົາຫລີ ປະຈຳລາວ ແລະ ພາກສ່ວນກ່ຽວຂ້ອງເຂົ້າຮ່ວມເປັນຈຳ ນວນຫລວງຫລາຍ./.