ການລັກຕັດໄມ້ຢູ່ສະຫວັນນະເຂດ ຍັງເກີດຂຶ້ນຫລາຍ
ຂ່າວ: ແກ້ວປັນຍາ
ຫລາຍປາກົດການຫຍໍ້ທໍ້ທີ່ເກີດຂຶ້ນ ໃນສັງຄົມເປັນຕົ້ນ: ການຄ້າຂາຍເຖື່ອນ, ລັກລອບຕັດໄມ້, ຊື້-ຂາຍຜິດກົດຫມາຍ, ອາລະວາດຕີກັນ, ລັກເລັກຂະໂມຍນ້ອຍ ແລະ ອື່ນໆ ຍັງສືບຕໍ່ກະທົບ ພ້ອມຖ່ວງດຶງການພັດທະນາເສດຖະກິດ-ສັງຄົມແຂວງສະຫວັນນະເຂດໃຫ້ໄປຊ້າ ເຖິງວ່າການນຳພັກ-ລັດ ກໍ່ຄືຫນ່ວຍງານກ່ຽວຂ້ອງຂັ້ນຕ່າງໆສືບແກ້ໄຂ ແລະ ສະກັດກັ້ນຢ່າງຕໍ່ເນື່ອງແລ້ວກໍ່ຕາມ.
ຕາມການເປີດເຜີຍຂອງ ທ່ານ ຄຳຫມາຍ ຈັນທະກຸມມານ ຮອງຫົວຫນ້າພະແນກກວດກາລັດ ແຂງສະຫວັນນະ ເຂດຕໍ່ກອງປະຊຸມສະຫລຸບການເຄື່ອນໄຫວວຽກງານກວດກາປະຈຳປີ 2012 ແລະ ວາງທິດທາງແຜນການປີ 2013 ທີ່ຈັດຂຶ້ນໃນລະຫວ່າງວັນທີ 19-20 ມີ ນານີ້ຮູ້ວ່າ: ຈາກການຕິດຕາມ, ກວດກາ ແລະ ຮັບຮອງເອົາຕົວເລກໄມ້ອາຍັດຢູ່ ເມືອງວິລະບູລີ ລວມມີຈຳນວນ 63.878 ຕັບຕໍ່ເສັ້ນ, ບໍລິມາດເທົ່າກັບ 2.259 ພັນກວ່າແມັດກ້ອນ, ໄມ້ຂະຍູງ 52 ຕັບ, ບໍລິມາດ 2,5 ແມັດກ້ອນ, ໄມ້ທີ່ຂຸດຄົ້ນເຄື່ອນຍ້າຍບໍ່ຖືກຕ້ອງມີ 561 ຕັບ, ບໍລິມາດ 100 ກວ່າແມັດກ້ອນຢູ່ເມືອງທ່າປາງທອງ; ໄມ້ທ່ອນຄ້າງສະຫນາມ II ຈຳນວນ 6.283 ກວ່າແມັດກ້ອນ, ໃນນີ້ ໄມ້ທີ່ແຂວງຢຶດມີ 2.993 ກວ່າແມັດກ້ອນ ແລະ ໄມ້ແປຮູບຢຶດຢູ່ ເມືອງວິລະບູລີ, ເມືອງພີນ ຈຳນວນ 2.833 ກວ່າແມັດກ້ອນ, ຢຶດໄມ້ຂະຍູງຢູ່ເມືອງສອງຄອນໄດ້ 1.390 ກວ່າທ່ອນ ແລະ 12 ຕັບ ໃນບໍລິມາດ 8 ແມັດກ້ອນກວ່າ.
ພ້ອມດຽວກັນນີ້ ກໍ່ຍັງສາມາດກັກພາຫະນະລາກແກ່ໄດ້ 35 ຄັນ, ກັກຜູ້ຕ້ອງຫາໄດ້ 16 ຄົນ, ຍິງ 2 ຄົນ. ສຳລັບການກວດກາຕິດຕາມບັດດາໂຄງການກໍ່ສ້າງ ເປັນຕົ້ນໂຄງການກໍ່ສ້າງຊົນລະປະທານ 9 ແຫ່ງໃນທົ່ວແຂວງ ສາມາດກວດກາຄິດໄລ່ຄືນຕົວຈິງມີຕົວເລກມູນຄ່າການກໍ່ສ້າງຜິດດ່ຽງຈຳນວນ 26 ລ້ານກວ່າກີບ.
ຈັບໄດ້ແຕ່ພໍ່ຄ້າເຖື່ອນເສັ້ນນ້ອຍ, ພໍ່ຄ້າເຖື່ອນເສັ້ນໃຫຍ່ໄກ້ເຂົາບໍ່ໄດ້ດອກ.
ຮູບນີ້ບໍແມ່ນໄມ້ເຖື່ອນບໍ)ຫລືວ່າແນວໃດ
ວັນທີ 20/03/2013 - ເວລາ 14:16:36 
